Chi cha nus eschan
Actual

La chascharia Val Müstair es sül podest dal champiunadi mundial da chaschöl «World Championship Cheese Contest» 2020

La chascharia Val Müstair ha ragiunt la 3. plazza al champiunadi mundial da chaschöl a Wisconsin, USA illa ««categoria averta da chaschöls mez dürs».

Il team da la chascharia Val Müstair po esser superbi. I nu s’inclegia da sai stess cha davo chi’s ha fabrichà nouv la fin da l’on 2018 funcziuna la producziun uschè bain sco avant. Il plaschair da la terza plazza al champiunadi mundial es fich grond e dà blera satisfacziun.

Janic Fasser, il mainagestiun da la chascharia Val Müstair manaja : «Davo fich blera lavur e grondas fadias a favur da la qualità faja fich grond plaschair da rivar sül podest dal champiunadi mundial. Premis da quist gener sun be pussibels grazia la buna collavuraziun da tuots. Ils paurs furnischan lat da stupenda qualità. Il lat in Val Müstair vegn prodüt tenor las directivas da Bio Suisse e las vachas vegnan pasculadas da stà e d’inviern vegnan ellas pavladas cun fain ed argör sech. Il team da la chascharia dà grond pais da prodüer il chaschöl tenor recept vegl e dà gronda chüra cha’l chaschöl madüra bain e tschüffa seis bun gust»