Bacharia Val Müstair

La Bacharia Val Müstair sporscha mazzer, elavuraziun e raffinaziun pels producents da charn da la Val Müstair. Specielaitads co puopla, liongia da chasa, e paquets masdats pel marchà direct dessan da nouv gnir prodots al lö. Illa stagiun da chatscha vegn tut incunter ed elavurà la sulvaschina dals chatschaders regiunals.

 

 

 

Nouv local da maz ed elavuraziun da charn

Pel mumaint nun esa pussibel da mazar üna pü gronda ciffra da besa-chas. A la società da chatschaders manca daspö 2013 ün abitacul per sfraider la sulvaschina. Aint il settember, ingiò chi nu vegn coppà muvel dals paurs, pon il chatschaders lascher elavurar lur sulvaschina illas localitads e cun quai ütilisar l'infrastructura da la Bacharia pü bain.

 

Capacitads d'elavuraziun pü gronda

Minch'on vegnan coppads e marchantads var 360 bes-chas dals paurs cun marchà direct. Las capacitads d'elavuraziun per üna quantità ün pa pü gronda sun avant man, cun quai cha la dumonda da charn dals gastronoms pudess gnir satisfichada. 

società Bacharia Val Müstair

Il nouv manaschi per l'elavuraziun da charn dessa spordscher percess da lavur optimads ed üna  fich buna garanzia da qualità. L'agricultura ValMüstair ScRL fabricha sü üna rait da vendita regiunala cun detaillists, la gastronomia ed oters cliaints. Possesur da bacharia es la società Bacharia Val Müstair. Dasper il manader Lorenz Tschenett, lavuran duos fin trais persunas aint illa bacharia