Chascharia Val Müstair

Daspö l'on 1987 es la Chascharia Val Müstair üna part importanta economica da nossa regiun. Las 100 tonas chaschöl e tuot ils prodots frais-chs vegnan ellavurats cun grond'amur tenor las directivas dal Bio-Suisse.

 

 

producziun persistenta ed ecologica in tuot ils detagls

Daspö l'on 1996 prodüa la chascharia 100% lat biologic e daspö l'on 2017 100% lat da fain. Tuot il lat pastorisà ed ils jogurts vegnan implits jò in butiglias da vaider chi vegnan dovradas plüssas jadas. Ils prodots vegnan distribuits cul furner regiunal. Per spargnar palperi tramettain nus ils quints electronic.

Nus eschan Biosfera!

Tuot quistas robas sun per nus persistentas. Il böt da la chascharia es da garantir als commembers ün rechav optimal dal lat ch'els furnischan. Tras üna strategia economica a lunga vista ed üna qualità da prodots stupenda dess gnir mantgnü la producziun da lat illa Val Müstair.