producents da lat regiunals

Mincha on furnischan 12 pauras e paurs a la chascharia 1.2 miu. liters lat da vacha e 5'000 liters lat chavra.Tuot nos producents sun producents da Bio da la Val Müstair. Cuortas vias da transport schanaian l'ambiaint ed il lat da fain (sainza silo) lascha pro prodots biologics regiunals da fich ota qualità, sco nos jogurt, gromma, painch ed impustüt chaschöl.

 

 

Gian Bott

il president

Per far gnir plü cuntschaint ils prodots eir in nossa regiun s'ingascha l'allevatur da muvel da lat cun corp ed orma illas societas da la Val Müstair. El es president da la Chascharia Val Müstair e vice-president da l'Agricultura Val Müstair ScRL.

 

 

Riet Caflisch

paur activ giuven da Fuldera

luottaders sun rars in Val Müstair- dit precic: Riet es l'unic. Quist es be ün da seis hobbies. El fa musica, es illa giuventünma e la soc. agricola. In almain üna da quistas societads es el ils ultims ona adüna stat president. Dasper las vachas brünas tegna'l eir Yaks, per la producziun da charn extensiva.

Elmar Fallet

cun precisiun da toccer direct sül böt

Noss champiun svizzer da trar culla pistola, nu voul be toccar bain las schaibgias, eir per prodüar bun lat da muntogna s'ingascha Elmar fich ferm.

 

 

Jon Ruinatscha

Jon guarda sül cunfin vers l'Italia

Be pacs pass davent dal cunfin ha Jon Ruinatscha sia pauraria da vachas da lat. Insembel cun sia famiglia cultiva el la prada dasper il cunfin in möd ecologic.

 

Janic Fasser

paur giuven da Müstair

La pauraria da Janic es immez cumün. Quella cultiva 'l cun seis Bap Martin e cun sia duonna Grace. Il paur giuven es landervia cun bler elan da fabrichar sü la pauraria e la chascharia - e va cun cun plaschair vers l' avegnir

 

Mario Pitsch

Allevatur da vachas brünas da Müstair

Güsta sur Müstair cultiva Mario Pitsch seis bain cun vachas brünas. L' allevamaint da quellas til sta fich ferm a cour. Bellas vachas cun buna sandà sun per el ün böt central,e cun seis ingaschamaint enorm po Mario festagiar adüna darcheu gronds success cun sias bellas vachas.

 

Dumeni Stupan

pragmatiker da Tschierv

Da stà pon las vachas da Dumeni ir sün Alp da Munt, ingio chi'd es l' implant da sport d' inviern Minschuns. Las vachas pisseran cha 'l territori da skis nu crescha aint e las pozzas dals runals servan cun dar sumbriva o sco barschun per as sgrattar.

Faustin Ruinatscha

il paur da Müstair chi sta sü bod

A l' ur da Müstair ed istess immez cumün es la pauraria da Faustin Ruinatscha. El mundscha e pavla sias bes-chas pel solit plü bod sco tuot tschels paurs. Sper l'allevamaint da muvel brün cultiva Faustin eir amo chomp cun gran pels furners regiunals.

 

Johannes Fallet

Paur da la Clostra da Müstair

Cun sia duonna Petra ha Johannes Fallet a fit la pauraria da l'UNESCO Clostra San Jon a Müstair. Ingiò cha las muongias giüdaivan pro la lavur da chomp, ha hoz la famiglia Fallet in man il destin da la pauraria.

Carlo & Guolf Schorta

 

pauraria illas otezzas

Sün sur 1920 meters sur mar fan Carlo Schorta e seis figl Guolf da paur. Lur vachas da lat savuran mincha di il meglder ajer da l'otezza, maglian erbas da muntogna e giodan contuorns da bellezza.

 

Mario Rodigari

Paur e pittur da Müstair

Da tuot ils paurs, chi portan lat a la Chascharia Val Müstair, ha'l Mario la plü pitschna pauraria. Per vi da quai lavura'l el amo sco pittur. El disch: "Jau n'ha la gronda furtüna cha mia famiglia am sustegna ed ha eir plaschair da nossa pauraria."

Beat & Linard Tschenett

Duo da power da Sta. Maria

A Pütschai, ot sur Sta. Maria, viva Beat Tschenett cun vista sülla stalla da seis figl Linard. Il Duo da bap e figl cultiva üna pauraria da vachas brünas a Sta. Maria cun gronda premura.